Maktabgacha taʼlim tizimida rahbarlik salohiyatini oshirish, menejerlik ko‘nikmalarini mustahkamlash va zamonaviy boshqaruv yondashuvlarini amaliyotga joriy etish bugungi kunning dolzarb vazifalaridan biri hisoblanadi.

Shu maqsadda Maktabgacha taʼlim tashkiloti direktor va mutaxassislarini qayta tayyorlash va ularning malakasini oshirish instituti tomonidan 2025-yil aprel oyida tashkil etilgan “Menejerlik o‘quv kurslari” o‘z yakuniga yetdi.

✅ Yakuniy sinovlar – bilim mezoni

Ushbu kurslarda:

• Amaldagi maktabgacha taʼlim tashkiloti direktorlari;

• Direktorlikka nomzod mutaxassislar

ishtirok etdilar va 10 ta o‘quv-modul hamda amaliy modul asosida chuqurlashtirilgan bilimlar bilan ta’minlandilar. Kurs yakunida o‘tkazilgan yakuniy attestatsiya sinovlari tinglovchilarning nazariy bilim va amaliy ko‘nikmalarini baholashga qaratildi.

📌 Eslatma: Mazkur kurslar 2025-yil 2-aprel sanasida boshlangan bo‘lib, tinglovchilarning professional va shaxsiy rivojlanishiga xizmat qiluvchi modul tizimida tashkil etilgan.

🏅 Eng yuqori ball to‘plaganlar – bizning faxrimiz!

Yakuniy sinovlarda yuqori natijalarga erishgan menejerlarimizning quvonchi cheksiz! Ularning intilishi, mehnati va mas’uliyatli yondashuvi barakali natijalar bilan o‘zini namoyon etdi. Institut jamoasi ular bilan chin dildan faxrlanadi va kelgusidagi faoliyatlarida ulkan muvaffaqiyatlar tilaydi.

📚 O‘quv kurslarining asosiy modullari quyidagilardan iborat bo‘ldi:

• Maktabgacha ta’limda menejment va yetakchilik asoslari;

• Strategik rejalashtirish va samarali boshqaruv;

• Moliyaviy menejment asoslari;

• Huquqiy bilimlar va normativ-huquqiy hujjatlar bilan ishlash;

• Jamoani boshqarish, muomala madaniyati va liderlik kompetensiyalari;

• Amaliy mashg‘ulotlar va real DMTT faoliyati bilan tanishuv.

🌟 Xulosa o‘rnida:

Menejerlik kurslari doirasida o‘quvchilar nafaqat bilim oldilar, balki kasbiy faoliyatlarida qo‘llay oladigan real boshqaruv tajribasini ham orttirdilar. Bunday kurslar – maktabgacha ta’lim tizimida samarali rahbarlar sonining ortishiga, ta’lim sifati va jarayonini sifatli boshqarishga zamin yaratadi.